- Մեր Հիւրերը

Հայոց  Անմոռանալի Յիշատակին

Կարելի՞ է տոկալ այնքան ցաւի,
Մտրակի,հարուածի ու անքութ կոտորածի,
Սակայն հակառակ Թուրքին գործադրած Ոճիրին ,
Հայը կ'ապրի դեռ աշխարհի երեսին:

Ծեղասպանութիւնը խլեց հայոց արդիւնաբեր հողը,
Աւերակ թողեց  անոր քանդակուած եկեղեցիները,
Քայքայեց բազմադարեան արուեստն ու միտքը,
Եւ այդպէս փորձեց բնաջնջել հայութիւնը:

Սփիւռքահայութիւնը գիտէր թակել դուռը վրէժի,
Առնել քայլ մը ազատութեան տենչի.
Յեղափոխութիւն հաստատեց աշխարհի տարածքին,
Ձգտելով հասնիլ շղթայուած Արարատին:

Ապրիլ, ամիս մը ջարդի, եղեռնի
Աննախընթաց թալանի ու կողոպուտի.
Ուրկէ անմեղներու արեան կանչը կը լսուի
եւ անոնց  յիշատակը կը մնայ ԱՆՄՈՌԱՆԱԼԻ:
      
                                                              Մարինէ Արիստագէսեան

                                                                                                                                                
                «Եղեռն» Գործ, Յովիկ Գըլընճիպաշեան-ի.

              Ապրիլեան

Անգութ թուրքը մեզ կոտորեց

մինչ ամբողջ աշխարհը դիտեց

ոչ ոք նայեցաւ մեր դէմքին

որ կը ցոլացներ արդարութեան հոգին:

Մայրը իր զաւակը թողեց մէկդի ու քալեց
Հայ գեղուհին ինքզինք եփրատ գետը նետեց
Իսկ ծեր մամիկը յուսաբեկ աղօթեց
Թուրքին սուրէն ու հրացանէն հեռու պահելը խնդրեց:

Եփրատէն արիւն հոսեցաւ
Մասիսի գագաթէն արցունք կաթեցաւ
Հայու ողբը Արագածի ականջին երկար լսուեցաւ
Ու հայրենիք իր զաւակին կորուստը լացաւ:

Հայն արմատիլ կարօտովը իր հողին
Քալեց մինչեւ անապատները տրտմագին
Բայց չթողեց թուրքը հասնի իր նպատակին
Ան գաղութներ հաստատեց աշխարհի տարածքին:

Անցան ու գացին իննսունվեց տարիներ
Ալ չենք հագնիր մենք այսօր սեւեր
Այլ կը պահանջենք իբրեւ իրաւատէր
Մեզմէ խլուած արիւն ու հողեր...
                     

                                                  Մարինէ Արիստագէսեան

                    

 «Հայոց Դիմագիծը» Գործ, Յովիկ Գըլընճիպաշեան-ի.